Në kujtim të: Richard Stroup

Nga fundi i vitit të kaluar, bota e ekonomiksit të tregut të lirë humbi një prej kampionëve të vet me vdekjen e Richard Stroup, bashkautorit të “Ekonomiksi i mendimit praktik: Çfarë duhet të dimë rreth pasurisë dhe begatisë". Një kampion i hershëm i ambientalizmit të tregut të lirë, Richard ishte bashkëthemelues i Property and Environment Research Center (PERC). Ai ishte po ashtu Profesor Emeritus i Ekonomiksit pranë North Carolina State University dhe Montana State University, një bashkëpunëtor kërkimor pranë Independent Institute, ndihmës studiues i Cato Institute, dhe anëtar i Shoqatës Mont Pèlerin.

Ne i jemi shumë mirënjohës Richard dhe të gjithë ekipit të autorëve të "Ekonomiksit të mendimit praktik" për bujarinë e tyre për të na lejuar t'ua sjellim librin audiencave të reja në Evropën Lindore dhe vendet e ish-Bashkimit Sovjetik. Mbështetja e vazhduar e ekipit është një frymëzim për të gjithë ne.