კონტენტზე გადასვლა
მთავარი
მთავარიბლოგიპარტნიორებიჩვენ შესახებ
დაიწყეთ კითხვა
ან ჩამოტვირთეთ უფასოდ

წარმოგიდგენთ საღი აზრის ეკონომისტების მომავალ თაობას სომხეთში!

ელეანორ ჰამონდი
04.07.22

„უხილავი ხელი ჩემ გარშემო“, „უსაფუძვლო სუბსიდიები ჩემს რეგიონში ან ქვეყანაში“, „როგორ ვმართავ ჩემს ფინანსებს“, „დაზღვევა, რომელშიც გადავიხდიდი“: ამ და სხვა თემებზე მოუხდათ დაფიქრება EFI-ის 2022 წლის ესეს კონკურსის მონაწილე სტუდენტებს მთელი სომხეთიდან.

„ქცევითი გადაწყვეტილებების ცენტრი“ უკვე მეორე წელია, რაც მასპინძლობს კონკურსს ბაკალავრიატის სტუდენტებისა და უფროსკლასელებისთვის. კონკურსი მონაწილეებს შთააგონებს, უფრო ფართოდ იაზროვნონ ეკონომიკაზე და მონაწილეობა მიიღონ საუკეთესოდ დაწერილი ესეს კონკურსში „საღი აზრის ეკონომიკა: რა უნდა იცოდეს ყველამ პირადი და ნაციონალური კეთილდღეობისთვის“.

კონკურსში მონაწილეობა მიიღო 30-ზე მეტი სკოლისა და უნივერსიტეტის 100-ზე მეტმა მოსწავლემ და სტუდენტმა. ჟიურიმ შეარჩია 10 საუკეთესო კანდიდატი: 3 უნივერსიტეტიდან და 7 საშუალო სკოლიდან. ჯილდოს გადაცემის ცერემონიალი ჩატარდა 25 ივნისს ერევანში და თავი მოუყარა ყველა გამარჯვებულს და მათ მასწავლებლებს ერევნიდან, არარატიდან, არმავირიდან, ტავუშიდან, ლორიდან და სიუნიკიდან. ასევე მოწვეულები იყვნენ განსაკუთრებული სტუმრები - წიგნის თანაავტორი პროფესორი რენდალ კ. ფილერი და EFI-ის საბჭოს წევრი რენიტა ესაიანი.

ყველა გამარჯვებული აღტაცებული იყო მონაწილეობის შესაძლებლობით, მაგრამ უპირველეს ყოვლისა იმით, რომ შანსი მიეცათ, ეკონომიკაში თავიანთი ცოდნა გამოეცადათ. გასაკვირი არაა, რომ ორ სკოლას, რომელთა მოსწავლეებმაც გასულ წელს გაიმარჯვეს (ანანია შირაკაცის ლიცეუმი, ერევანი, და ვანაშენის საშუალო სკოლა, ვანაშენი, არარატი), წლევანდელ კონკურსშიც ჰყავთ გამარჯვებულები.

მასწავლებელი სიუზანა მანუკიანი ვანაშენიდან, რომლის მოსწავლეები ზედიზედ მეორე წელია, რაც იმარჯვებენ, უდიდესი მადლიერება გამოხატა წიგნის გამო, რომელსაც კლასში აქტიურად იყენებს და მის მოსწავლეებსაც ძალიან მოსწონთ! მან ასევე გვაცნობა, რომ მომავალ კონკურსებშიც დიდი სიამოვნებით მიიღებენ მონაწილეობას.

გამარჯვებული ესე მალე გამოქვეყნდება econfun.org-ზე სომხურ და ინგლისურ ენებზე.

ბოლო სტატია

გაკვეთილი ეკონომიკის საფუძვლებში: ტომი ყიდულობს ავტომობილს ჰარისგან

პუბლიკაცია ბლოგში · რა შეიძლება ვისწავლოთ სუბიექტური ღირებულების შესახებ მეორადი ავტომობილით განხორციელებული გარიგებით

თ. ნორმან ვან კოტისა · 22.07.22

Common Sense Economics - a book for students and their grandparents

„EFI“-ის ახალი ამბები · Randall Filer took part in the presentation of the Armenian edition, at the American University of Armenia

Banks.am Portal · July 8, 2022

ობი-ვან ენობი, საზოგადოებრივი არჩევანის ეკონომიკის სპეციალისტი

პუბლიკაცია ბლოგში · შეიძლება „ვარსკვლავური ომები“ იყოს გალაქტიკათშორისი პორტალი საზოგადოებრივი არჩევანის თეორიის უკეთ გასაგებად?

ბაირონ ბ. კარსონ III · 17.06.22