Özbəkistan: yayda təşkil edilən müsabiqə göstərir ki, iqtisadiyyat əyləncəli ola bilər!

Yay aylarında Daşkənddəki Beynəlxalq Vestminster Universiteti uşaqlar, böyüklər və ailələri boş vaxtlarından yaradıcı şəkildə istifadə etməyə təşviq etmək üçün bir müsabiqə keçirdi. İştirakçılara "Sağlam iqtisadi düşüncə və onu müşayiət edən bir çox videoçarxları öyrənmək, həmçinin "ən yaxşı video", "ən yaxşı foto" və "ən yaxşı rəsm" kateqoriyalarında işlər təqdim etmək təklif olundu.

Nəticə nə oldu? Yaradıcılıq, enerji və həyəcan burulğanı!

Tələbə Pərizoda Abdufəttoyeva üçün müsabiqə həyatını dəyişən bir hadisə oldu. "Mən kitab oxumağa başladım - mənim təxəyyülüm, düşüncəm, münasibətim, hədəfim - hər şey dəyişdi! Əvvəlcə ingilis dilində oxumağa başladım, sonra rus, sonra özbək versiyasını yoxladım. Əksər kitablar tərcümə olunduqdan sonra orijinal mənasını itirir. Lakin “Sağlam iqtisadi düşüncə” kitabı öz mənasını qoruyub saxlamışdı. Bunun üçün tərcüməçilərə çox təşəkkür edirəm! Mən bu kitabı özüm üçün, inkişafım üçün oxuyuram. Öyrəndiklərim mənə maliyyə bakalavr dərəcəsi almağa kömək edəcək! Burada söhbət təkcə iqtisadi vərdişlərin deyil, həm də bütövlükdə dünyagörüşünün inkişafından gedir".

Qaliblər yaxınlarda mükafat mərasimində iştirak etmək üçün toplandılar, onlar burada pul və sertifikatlarla mükafatlandırıldı və EFI Özbəkistan cəmiyyətində hərarətlə qarşılandı.