Matnga o'tish
Bosh sahifa
Bosh sahifaBlogHamkorlarTo'g'risida
O'qishni boshlash
yoki bepul yuklab olish

Jamoa

Bizning ishtirokchilarimiz ushbu maxus loyihaga iqtisodiyot va ta’lim sohasidagi o'zlarining ko‘p yillik tajribalarini kiritganlar. Biz har bir kitobxon iqtisodni tushunishi uchun ijodkorlik bilan ilmni birlashtirishga intilamiz.

Ekspertlar guruhi

Zohid Askarov

Zohid Askarov Avstraliyaning Melburn shahridagi Dikin Universitetida iqtisod fanlari doktori ilmiy darajasini olib, hozirda Toshkentdagi Vestminster Xalqaro Universitetida o'qituvchi bo'lib ishlaydi. Uning maqolalari «World Development», «European Journal of Political Economy», «Public Choice» va «Journal of Housing Economics» jurnallarida chop etilgan. Uning maqolalari asosan o'tish davri mamlakatlaridagi iqtisodiy va institutsional rivojlanish hamda ularning tarqalish effektlari to'g'risidadir. U YUNESKO, BMT Taraqqiyot Dasturi, Yaponiya Xalqaro Hamkorlik Agentligi, Sasakava Tinchlik Fondi, Dikin Universiteti, Antverp Universiteti, Maastrixt Menejment Maktabi, Quyi Saksoniyadagi Nemis Menejment Akademiyasi va Indoneziya Davlat Boshqaruvi Milliy Institutlari bilan bir qator ta'lim va ilmiy loyihalarda qatnashgan. Zohid Iqtisodiy Tadqiqotlar va Aspirantlarni Tayyorlash Markazi - Iqtisodiyot Instituti (CERGE-EI) Fondining o'qituvchilarni tayyorlash bo'yicha granti sohibi.

Gurgen Aslanyan

Gurgen Aslanyan Chexiya Respublikasidagi CERGE-EI Institutida iqtisod fanlari doktori ilmiy darajasini olgan. U Armanistondagi Amerika Universitetida dotsent, CERGE-EI Fondining o'qituvchilarni tayyorlash bo'yicha granti sohibi va Ural Federal Universitetining Iqtisodiyot Laboratoriyasida katta ilmiy xodim. U xususiy va davlat sektorlarida, jumladan, Armaniston Markaziy Bankida maslahatchi bo'lgan, tadqiqotchi sifatida esa Pensilvaniya Universiteti va Chexiya Fanlar Akademiyasi bilan hamkorlik qilgan. U ilmiy maqolalarini xalqaro miqyosda taqdim qilgan va chop etgan. U turli mukofotlar sovrindori bo'lib, hozirda Armaniston Iqtisodiyot Uyushmasining prezidentidir.

Olga Flis

Olga Flis Chexiya Respublikasidagi CERGE-EI Institutida iqtisodiyot bo'yicha magistrlik darajasini va Lvovdagi Ivan Franko Milliy Universitetida nazariy va amaliy statistika bo'yicha magistrlik darajasini olgan. Hozirda u Chexiya Respublikasida KPMG Boshqaruv Maslahatlashuvlari tashkilotida ishlaydi. Shuningdek, u amaliy hisoblash fanlari sohasida onlayn ta'lim platformasini yaratish uchun yangi korxona tashkil etishda ishtirok etmoqda.

Aram Gazaryan

Aram Gazaryan Turin Universitetida iqtisod fanlari doktori ilmiy darajasini olgan. U Yerevan Davlat Universiteti va Armanistondagi Amerika Universitetida iqtisodiyotdan ta'lim beradi. U tadqiqotlar va konsalting bilan shug'ullanuvchi Xulq-atvor qarorlari bo'yicha markaz asoschisidir.

Aida Gjika

Aida Gjika Buyuk Britaniyaning Staffordshir Universitetida iqtisod fanlari doktori ilmiy darajasini olgan va Tirana Universitetida iqtisodiyot fakultetida ta'lim beradi. U 10 yildan ko'proq vaqt mobaynida talabalar va aspirantlarga (mikroiqtisodiyot va akademik insho fanlaridan) dars berib keladi. Shuningdek, u turli xalqaro loyihalarda maslahatchi sifatida, asosan ma'lumotlar tahlili bo'lyicha amaliy iqtisodchi tajribasiga ega. Uning tadqiqotlari asosan fiskal detsentralizatsiya va iqtisodiy o'sish masalalariga qaratilgan bo'lib, u fiskal siyosat, tamaki mahsulotlariga soliqlar va hududlarda o'sishni ham o'rganadi. Aida CERGE-EI Fondining o'qituvchilarni tayyorlash bo'yicha grant sohibidir.

Maya Grigolia

Maya Grigolia Gruziyadagi Tbilisi Davlat Universiteti qoshidagi Xalqaro Iqtisodiyot Maktabida (ISET) magistrlik darajasini olgan. U fanlar doktori nomzodligini olish uchun Tbilisi Davlat Universitetida aspirant. Hozirda u Quvaytdagi Yaqin Sharq Amerika Universitetida o'qituvchi. U ta'lim, tadqiqot, loyiha tayyorlash va konsalting bo'yicha 10 yildan ko'p tajribaga ega. U fiskal siyosat, moliyaviy ta'lim va xususiy sektorning rivojlanishini tadqiq etishga qiziqadi. U makroiqtisodiyot, iqtisodiy siyosat, iqtisodiyot asoslari, statistika va ma'lumotlar tahlili kabi fanlardan dars beradi. Avval u Jahon Banki, Osiyo Taraqqiyot Banki, Yevropa Komissiyasi va AQSh Xalqaro Rivojlanish Agentligi kabi xalqaro tashkilotlar uchun loyihalar tayyorlash va konsalting xizmati ko'rsatgan.

Anait Ovannisyan

Anait Ovannisyan Gruziyadagi Tbilisi Davlat Universiteti qoshidagi Xalqaro Iqtisodiyot Maktabida (ISET) iqtisodiyotdan magistrlik darajasini olgan. U Armaniston Markaziy Bankining Monetar Siyosat Departamentida iqtisodchi.

Drini Imami

Drini Imami Boloniya Universitetida qishloq xo'jaligi iqtisodiyotidan fanlar doktori ilmiy darajasini olgan. U bir necha yetakchi Yevropa ilmiy-tadqiqot institutlarida tadqiqotlar olib borgan va 50 dan ortiq ilmiy maqolalarga o'z hissasini qo'shgan. Uning tadqiqotlari xulq-atvor iqtisodiyoti, siyosiy va institutsional iqtisodiyot masalalariga qaratilgan. Drini BMTning Oziq-ovqat va Qishloq Xo'jaligi Tashkiloti, Jahon Banki, Yevropa Tiklanish va Taraqqiyot Banki, Germaniya Xalqaro Hamkorlik Jamiyati va Yaponiya Xalqaro Hamkorlik Agentliklari uchun maslahatchi bo'lib ishlagan. U Tirana Qishloq Xo'jaligi Universitetining iqtisodiyot va agrobiznes fakultetida dotsent.

Lesli MakKoll

Lesli MakKoll Virjiniya Universitetining Kolgeyt nomli Biznesni Boshqarish Maktabida biznesni boshqarishdan magistrlik (MBA) darajasini va Uellesli kollejida bakalavr darajasini olgan. U Uoll-Stritda 25 yildan ortiq ish tajribasiga ega bo'lib, aksiyalar tahlili, potfelni boshqarish va bank investitsiyalari sohalarida yuqori lavozimlarda ishlagan. Uning iste'molchilar daromadi va xulq-atvorini o'rganish hamda ularning aksiyalar savdosiga ta'sirini bashorat qilish bo'yicha iqtisodiy tadqiqotlari uni iste'mol bozori aksiyalari sohasida ekspertga aylantirdi. Hozirda u aksiyalarni o'rganish bo'yicha maslahatchi.

Arben Mustafa

Arben Mustafa Buyuk Britaniyaning Staffordshir Universitetida iqtisod fanlari doktori ilmiy darajasini olgan. Uning doktoranturada o'qish davrida ilmiy mavzusi «Markaziy va Sharqiy Yevropa mamlakatlarida bank sohasida raqobat hamda uning bank risk faoliyati va foiz marjasiga ta'sirlari» to'g'risida bo'lgan. Uning ushbu mavzuga oid bir-necha maqolalari chop etilgan. Arben Kosovo Respublikasi Markaziy Bankida asosan ilmiy va iqtisodiy tahlillarga oid turli lavozimlarda ishlagan. U Kosovoning Gilan shahridagi Kadri Zeka Universitetida iqtisodiyot va bank sohasiga tegishli bir qator fanlardan dars beradi. U CERGE-EI Fondining o'qituvchilarni tayyorlash bo'yicha granti sohibi.

Irina Sabat

Irina Sabat hozirda Portugaliyaning Lissabon shahridagi Biznes va Iqtisodiyot Yangi Maktabida Mariya Sklodovska-Kyuri nomli stipendiya sovrindori sifatida iqtisod fanlari doktori ilmiy darajasini olish uchun o'qishni davom ettirmoqda. U Chexiya Respublikasining CERGE-EI Institutida iqtisodiyot bo'yicha magistrlik darajasini, Ukrainaning Lvov shahridagi Ivan Franko Milliy Universitetida esa Xalqaro Iqtisodiy Aloqalar va Moliya sohasi bo'yicha magistrlik darajasini olgan. Irina CERGE-EI Fondining o'qituvchilarni tayyorlash granti sohibi sifatida bakalavr va aspirantura talabalariga besh yildan ortiq vaqt mobaynida iqtisodiyotdan dars berib kelmoqda. U universitet iqtisodiyot sohasi o'qituvchilarini pedagogika bo'yicha tayyorlash bilan shug'ullanuvchi, CERGE-EI Fondi tomonidan moliyalashtirilgan iqtisodiyot o'qituvchilari guruhi a'zosi.

Edvin Jllima

Edvin Jllima Boloniya Universitetida qishloq xo'jaligi iqtisodiyoti va siyosati fanidan doktorlik ilmiy darajasini olgan, hozirda Tirana Qishloq Xo'jaligi Universitetida dotsent. U turli sohalarda, jumladan, resurs iqtisodiyoti, xulq-atvor iqtisodiyoti va gender iqtisodiyoti sohalarida ilmiy tadqiqotlar olib borgan. Uning 40 dan ortiq ilmiy maqolalari chop etilgan. U xalqaro tashkilotlar, jumladan, BMTning Oziq-ovqat va Qishloq Xo'jaligi Tashkiloti, BMT Taraqqiyot Dasturi, Germaniya Xalqaro Hamkorlik Jamiyati, AQSH Xalqaro Rivojlanish Agentligi va Shvetsariya Hamkorlik tashkilotlarida maslahatchi sifatida ishlab, turli texnik hisobotlarni yozishda o'z hissasini qo'shgan.

Alban Zogay

Alban Zogay Italiyadagi Marke Politexnika Universitetida iqtisod fanlari doktori ilmiy darajasini olgan. U 2005 yildan beri Riinvest Institutida ishlab, bir qator tadqiqotlar olib borgan va ularga tahliliy hissasini qo'shgan. 2016 yildan 2019 yilgacha Alban iqtisodiy o'sish va iqtisodiy murakkabliklarni o'rganish uchun Albaniya hukumati bilan ishlagan. U Riinvest kollejida iqtisodiyotdan dars beradi.

Zurab Abramishvili

Zurab Abramishvili Chexiya Respublikasidagi CERGE-EI institutida fan nomzodi doktori ilmiy darajasini olgan. Shuningdek, u Tbilisi Davlat Universiteti qoshidagi Xalqaro Iqtisodiyot Maktabidan (ISET) iqtisodiyot bo'yicha magistrlik daragasiga va Tbilisi Davlat Universitetining matematika bo'yicha magistrlik va bakalavrlik darajasiga ega. U ISET dotsenti, uning bakalavriat dasturining direktori va CERGE-EI Fondining o'qituvchilarni tayyorlash dasturining mintaqaviy koordinatori lavozimlarida ishlaydi.

Bakari Baratashvili

Bakari Baratashvili Tbilisi Davlat Universiteti qoshidagi Xalqaro Iqtisodiyot Maktabida (ISET) iqtisodiyot yo'nalishi bo'yicha magistrlik darajasini va Gruziya Texnik Universitetidan biznes boshqaruvi bo'yicha fan doktori ilmiy darajasini olgan. U ISET direktori o'rinbosari va Quvaytdagi Yaqin Sharq Amerika universitetida dotsent lavozimlarida ishlagan. Bakari universitet darajasida iqtisod, statistika va moliya kurslarini o'qitishda 15 yillik tajribaga ega va Gruziyaning davlat moliya sektorida, shu jumladan Xalqaro Valyuta Jamg'armasi va Jahon banki kabi xalqaro moliya tashkilotlarida ishlagan.

Levan Pavlenishvili

Levan Pavlenishvili Tbilisi Davlat Universiteti qoshidagi Xalqaro Iqtisodiyot Maktabida (ISET) iqtisodiyot yo'nalishi bo'yicha magistr darajasini va Tbilisi Davlat Universitetida iqtisodiyot yo'nalishi bo'yicha bakalavr darajasini olgan. U ISET qoshidagi Siyosat Instituti boshlig'ining o'rinbosari bo'lgan va iqtisodiyot fanlari, shu jumladan xalqaro savdo va moliya, ekonometrika va tabiiy resurslar iqtisodiyoti bo'yicha 5 yillik o'qitish tajribasiga ega. Levan Edinburg universitetida operatsion tadqiqotlar bo'yicha magistrlik darajasini olgan.

Ilmiy maslahatchilar jamoasi

Boris Tsota

Boris Tsota Zagreb Universitetining iqtisodiyot fakultetida professor hamda xalqaro iqtisodiyot va moliya fanlaridan magistratura dasturining rahbari. U Zagrebdagi Iqtisodiyot Instituti Direktorlar Kengashining a'zosi (1997-2000) va Xorvatiya Respublikasi Fan va Oliy Ta'lim Uyushmasi Nazorat Kengashining raisi (2003-2006) bo'lgan. U Xorvatiya Milliy Banki Kengashining a'zosi (2006–2013), Xorvatiya Respublikasi prezidentining iqtisodiyot masalalari bo'yicha maxsus maslahatchisi (2010–2012) va Xorvatiya Respublikasi prezidenti huzuridagi Iqtisodiyot bo'yicha Kengashning prezidenti (2010–2015) lavozimlarida xizmat qilgan.

Oleg Gavrilishin (vafot etgan)

Oleg Gavrilishin Massachusets texnologiya institutida iqtisod fanlari nomzodi ilmiy darajasini olgan, u Varshavadagi Ijtimoiy-iqtisodiy tadqiqotlar markazida (CASE) xorijlik bosh ilmiy xodim va Karleton universitetining Yevropa, Rossiya va Evrosiyo tadqiqotlari institutida adyunkt professor lavozimida ishlagan. Oleg Ukraina hukumatida maslahatchi sifatida "Mustaqillikdan keyingi islohotlarga umumiy taqriz" hisobotini (2014-yildan 2016-yil oktyabrigacha) tayyorlagan. Uning so‘nggi kitobi "Present at the Transition: An Inside Look at the History, Politics and Personalities in Post-Communist Countries" 2020 yilda Kembrij universiteti nashriyoti tomonidan nashr etilgan. 1991-2007-yillarda Oleg XVJ ning Yevropa bo‘limi rahbari o‘rinbosari sifatida Sobiq Ittifoq mamlakatlariga ma'sul bo'lgan. Shuningdek, u XVJ Direktorlar kengashi ijrochi direktori o‘rinbosari bo‘lib ishlagan va bir muddat Ukraina moliya vaziri o‘rinbosari ham bo‘lgan.

Jozef Peltsman

Jozef Peltsman Boston Kollejida iqtisod fanlari doktori ilmiy darajasini olgan. U Jorj Vashington Universitetida iqtisodiyot va xalqaro munosabatlar fanlari professori, huquqshunoslik fanidan yuqori malakali o'qituvchi va iqtisodiyot bo'yicha doktorantura dasturi direktori lavozimlarida ishlaydi. 1980 yilda fakultetga ishga kirishidan oldin u Brukings Institutida iqtisodiy siyosiy masalalar bo'yicha ilmiy xodim bo'lgan va Janubiy Karolina Universitetida dars bergan. U Gruziyadagi Tbilisi Davlat Universiteti qoshidagi Xalqaro Iqtisodiyot Maktabi (ISET) Xalqaro Ilmiy Kengashining asoschisi va rahbari (2006-08) hamda Ukrainadagi Kiev Iqtisodiyot Maktabi Xalqaro Maslahat Kengashining a'zosi bo'lgan (2002-17). Shuningdek, u Vashingtondagi Savdo, Yordam va Xavfsizlik Koalitsiyasi (TASC) va Global Works Fondi Direktorlar Kengashining a'zosi. Hozirda u «Global Economy» jurnalining bosh muharriri hamda Xalqaro Savdo va Moliya Uyushmasining sobiq prezidenti.

Direktorlar Kengashi

Rendall K. Fayler
Prezident

Prinston universitetida doktorlik ilmiy darajasini olgan Rendall K. Fayler Hanter kolleji va Nyu-York shahar universitetining diplomdan keyingi ta'lim markazida iqtisod fanlari professori, Pragadagi CERGE-EI institutida taklif etilgan iqtisod fanlari professori va CERGE-EI fondining Direktorlar Kengashining rahbari. U Gruziyadagi Tbilisi xalqaro iqtisodiyot maktabining Boshqaruv va kengashi a'zosi. U Zagreb shahridagi Iqtisodiyot institutida taklif etilgan ilmiy xodim, IZA (Bonn) va CESifo kompaniyasida (Myunxen) ilmiy xodim sifatida xizmat qilgan. Rendall «Mantiqiy Iqtisodiyot» kitobining mintaqah uchun moslashtirilgan nashrining mualliflaridan biridir.

Maykl Markovits
Boshqaruvchi

Chikago universitetidan psixologiya fanlari doktori darajasi ega Maykl Qo'shma Shtatlarida professional psixologiya yo'nalishi bo'yicha birinchi mustaqil doktorantura dasturiga asos slogan. U Northwestern universitetida (Chikago) menejment fanidan o’qituvchi hamda turli professional maqolalarning, shu jumladan, BBPning (Bureau of Business Practice) inson resurslarini boshqarish bo’yicha qo’llanmasiga mualliflik qilgan. U Qo'shma Shtatlaridagi Argosy universiteti, Kanadadagi Yorkville universiteti va Toronto kino maktabining asoschisi hamdir. Hozirda u Amerika advokatlar assotsiatsiyasida akkreditatsiyadan o'tgan Atlanta shahridagi Jon Marshall yuridik maktabining rahbari, shu bilan birga, O’quv litsenziyasiga tayyorlash va ta’lim bo’yicha xizmat (ALPESE/PrepJet) deb nomlangan kasbiy test sinovlariga tayyorlovchi kompaniyaning asoschisi va raisidir. U Chikago universitetining ijtimoiy fanlar bo'limiga tashrif buyuradigan qo'mita a'zosi va sobiq raisi hamda Florida shtatidagi Eckerd kollejida vasiylik kengashining sobiq a'zosidir.

Renita Esayan
G'aznachi

Renita Stenford universitetida biznesni boshqarish bo’yicha magistr darajasini olgan bo'lib, nafaqadagi moliya mutaxassisidir. AQSH va Londonda korporativ moliya va investorlar bilan aloqalar bo'yicha turli lavozimlarda ishlaganidan so'ng, u Hasbro kompaniyasida investorlar bilan aloqalar bo'yicha vitse-prezident bo'lgan. Nafaqaga chiqishdan oldin u Vanguard Group kompaniyasida moliyaviy mavzular bo'yicha katta yozuvchi bo’lib xizmat qilgan.

Ketlin Moun

Kolumbiya universitetidan jamoat ishlari yo'nalishi bo'yicha magistr darajasiga ega Ketlin, xalq ta’limi sohasida 40 yildan ortiq tajribaga ega moliya bo’yicha mutaxassisidir. U Nyu-York shahar ta’lim boshqarmasida Manxetten va Bronks bo’yicha byudjet bo’limi direktori, bir qator mustaqil maktablarda tashkiliy-moliyaviy masalalar bo’yicha ma’mur hamda Nyu-York shahar universitetida ilmiy o’quv ishlari bo’yicha moliya menejeri bo'lgan.

Eleanor Hemmond
Kengash maslahatchisi va dastur rahbari

Eleanor Hemmond magistr darajasini Oksforddagi Sent-Hyu kollejida olgan. U «Mantiqiy Iqtisodiyot» dasturi ustidan kundalik nazoratni ta’minlaydi. EFI fondidagi faoliyatidan tashqari u Sharqiy Yevropa hamda MDH mamlakatlaridagi iqtisodiy ta'limning eng katta homiylaridan biri bo'lgan CERGE-EI fondi uchun grant va mablag’lar jalb qilish bilan shug’ullanadi. U avval Buyuk Britaniyaning davlat sektori tashkilotlari uchun strategik aloqalar bo’yicha maslahatchi bo'lgan.