კონტენტზე გადასვლა
მთავარი
მთავარიბლოგიპარტნიორებიჩვენ შესახებ
დაიწყეთ კითხვა
ან ჩამოტვირთეთ უფასოდ

გუნდი

ჩვენი შემომწირველები ამ უნიკალურ პროექტს ღირებულებას მატებენ მრავალწლიანი ეკონომიკური და საგანმანათლებლო გამოცდილებით. ყველა ჩვენგანი მოხარულია გამოიყენოს პროფესიონალური ცოდნა და შემოქმედებითობა, თითოეული ადამიანის ეკონომიკური ცოდნის გასაღრმავებლად.

საგნის ექსპერტები

ზოჰიდ ასკაროვი

ზოჰიდ ასკაროვმა დოქტორის ხარისხი ეკონომიკაში, ავსტრალიაში, მელბურნის დიკინის უნივერსიტეტში მიიღო. იგი ლექტორია ტაშკენტის ვესტმინსტერის საერთაშორისო უნივერსიტეტში. მისი ნაშრომები ქვეყნდება ჟურნალებში: „World Development“, „European Journal of Political Economy“, „Public Choice“ და „Journal of Housing Economics“. მისი პუბლიკაციები ძირითადად ეხება გარდამავალი ქვეყნების ეკონომიკურ და ინსტიტუციონალურ განვითარებას და მათ მეორად შედეგებს. ის მონაწილეობდა იუნესკოს, გაეროს განვითარების პროგრამის, JICA-ის, სასაკავას მშვიდობის ფონდის, დიაკინის უნივერსიტეტის, ანტვერპენის უნივერსიტეტის მაასტრიხტის მენეჯმენტის სკოლის, DMAN-ისა და ინდონეზიის სახელმწიფო მმართველობის ეროვნული ინსტიტუტის სხვადასხვა სასწავლო და კვლევით პროექტებში. ზოჰიდი CERGE-EI ფონდის მასწავლებელი სტიპენდიანტია.

გურგენ ასლანიანი

გურგენ ასლანიანმა დოქტორის ხარისხი ეკონომიკაში CERGE-EI უნივერსიტეტში ჩეხეთის რესპუბლიკაში მიიღო. ის არის სომხეთის ამერიკული უნივერსიტეტის პროფესორის თანაშემწე, CERGE-EI ფონდის სასწავლო სტიპენდიანტი და ურალის ფედერალური უნივერსიტეტის ეკონომიკის ლაბორატორიის უფროსი მკვლევარი. იგი კონსულტაციებს უწევს როგორც კერძო, ასევე სახელმწიფო სექტორის ორგანიზაციებს, მათ შორის სომხეთის ცენტრალურ ბანკს, და როგორც მკვლევარი მოღვაწეობდა პენსილვანიის უნივერსიტეტსა და ჩეხეთის მეცნიერებათა აკადემიასთან თანამშრომლობით. მასი ავტორობით კვლევები საერთაშორისო დონეზე წარდგენილი და გამოქვეყნებულია, იგი გახლავთ სხვადასხვა ჯილდოს მფლობელი და ამჟამად სომხეთის ეკონომიკური ასოციაციის პრეზიდენტია.

ოლგა ფლაისი

ოლგა ფლაისმა მაგისტრის ხარისხი ეკონომიკაში ჩეხეთის რესპუბლიკაში ეკონომიკური კვლევისა და სამაგისტრო განათლების ცენტრი - ეკონომიკის ინსტიტუტში (CERGE-EI) მიიღო, ხოლო მეცნიერებათა მაგისტრის ხარისხი ლვოვის ივან ფრანკოს სახელობის ეროვნული უნივერსიტეტის თეორიულ და გამოყენებით სტატისტიკაში. ის ამჟამად ჩეხეთის რესპუბლიკაში „KPMG Management Consulting“-ში მუშაობს და ჩართულია სტარტაპში, რომლის ამოცანაა გამოყენებითი გამოთვლითი კვლევების ონლაინ საგანმანათლებლო პლატფორმის შექმნა.

არამ გაზარიანი

არამ გაზარიანმა დოქტორის ხარისხი ეკონომიკაში ტურინის უნივერსიტეტში მიიღო. ის ერევნის სახელმწიფო უნივერსიტეტისა და სომხეთის ამერიკული უნივერსიტეტის ეკონომიკის ლექტორია. იგი კვლევითი და საკონსულტაციო განყოფილების მიმართულებით ქცევითი გადაწყვეტილებების ცენტრის დამფუძნებელია.

აიდა გჯიკა

აიდა გჯიკამ დოქტორის ხარისხი ეკონომიკაში გაერთიანებული სამეფოს სტაფორდშირის უნივერსიტეტში მიიღო. იგი ტირანას უნივერსიტეტის ეკონომიკის ფაკულტეტის ლექტორია. მას ბაკალავრიატისა და ასპირანტურის კურსების (მიკროეკონომიკა და აკადემიური წერა) სწავლების და სხვადასხვა საერთაშორისო პროექტებში საპროექტო სამუშაოებისა და კონსულტაციების საკითხებში 10 წელზე მეტი ხნის გამოცდილება აქვს, ძირითადად, როგორც გამოყენებითი ეკონომისტი მონაცემთა ანალიზის მიმართულებით. მისი კვლევა ფისკალური დეცენტრალიზაციისა და ეკონომიკური ზრდის საკითხებზეა მიმართული, მაგრამ იგი ასევე შეისწავლის ფისკალურ პოლიტიკას, თამბაქოს დაბეგვრას და რეგიონულ ზრდას. აიდა CERGE-EI ფონდის სტიპენდიანტია.

მაია გრიგოლია

მაია გრიგოლიამ ეკონომიკის მაგისტრის ხარისხი საქართველოში თბილისის სახელმწიფო უნივერსიტეტის ეკონომიკურ სასწავლებელში (ISET) მიიღო. ის თბილისის სახელმწიფო უნივერსიტეტის დოქტორანტია. ამჟამად ის ქუვეითში შუა აღმოსავლეთის ამერიკული უნივერსიტეტის პედაგოგია. მას აქვს 10 წელზე მეტი ხნის გამოცდილება სწავლების, კვლევის, პროექტის წერისა და კონსულტაციის სფეროში. მისი სამეცნიერო ინტერესებია ფისკალური პოლიტიკა, ფინანსური განათლება და კერძო სექტორის განვითარება. მისი სწავლების პორტფელი მოიცავს მაკროეკონომიკას, ეკონომიკურ პოლიტიკას, ეკონომიკის პრინციპებს, სტატისტიკას და მონაცემთა ანალიზს. მისი წარსული გამოცდილება მოიცავს პროექტის წერას და საკონსულტაციო თანამშრომლობას სხვადასხვა საერთაშორისო ორგანიზაციებთან, როგორიცაა მსოფლიო ბანკი (WB), აზიის განვითარების ბანკი (ADB), ევროკომისია და ამერიკის შეერთებული შტატების საერთაშორისო განვითარების სააგენტო (USAID).

ანაით ჰოვანისიანი

ანაით ჰოვანისიანი ფლობს ეკონომიკის მაგისტრის ხარისხს თბილისის სახელმწიფო უნივერსიტეტის ეკონომიკის საერთაშორისო სკოლაში (ISET), საქართველოში. ის არის სომხეთის ცენტრალური ბანკის მონეტარული პოლიტიკის დეპარტამენტის ეკონომისტი.

დრინი იმამი

დრინი იმამიმ დოქტორის ხარისხი ბოლონიის უნივერსიტეტის აგრო-კვების ეკონომიკასა და პოლიტიკაში მიიღო. მას ჩატარებული აქვს კვლევები ევროპის წამყვან სამეცნიერო დაწესებულებებში და 50-ზე მეტ სამეცნიერო ჟურნალში სტატიების ავტორია. მის სამეცნიერო ინტერესებს მოიცავს ქცევითი, პოლიტიკური და ინსტიტუციური ეკონომიკა. დრინი მუშაობდა კონსულტანტად ისეთ ორგანიზაციებში, როგორიცაა სურსათისა და სოფლის მეურნეობის ორგანიზაცია (FAO), მსოფლიო ბანკი, ევროპის რეკონსტრუქციისა და განვითარების ბანკი (EBRD), გერმანიის საერთაშორისო თანამშრომლობის საზოგადოება (GIZ) და იაპონიის საერთაშორისო თანამშრომლობის სააგენტო (JICA). ის ტირანას სასოფლო-სამეურნეო უნივერსიტეტის ეკონომიკისა და აგრობიზნესის ფაკულტეტის ასოცირებული პროფესორია.

ლესლი მაქქოლი

ლესლი მაქქოლმა, რომელიც ლიცენზირებული ფინანსური ანალიტიკოსია (CFA), მაგისტრის ხარისხი ბიზნესის ადმინისტრირებაში ვირჯინიის უნივერსიტეტის კოლგეიტ დარდენის ბიზნესის ადმინისტრირების სასწავლებელში და ბაკალავრის ხარისხი უელსლის კოლეჯში მიიღო. მას უოლ სტრიტზე მუშაობის 25 წელზე მეტი ხნის გამოცდილება აქვს, სადაც ეკავა ხელმძღვანელი თანამდებობები სააქციო კაპიტალის კვლევის, პორტფელის მენეჯმენტსა და საინვესტიციო საბანკო საქმეში. მომხმარებელთა შემოსავლებისა და ქცევის და სააქციო კაპიტალით ვაჭრობაზე მათი გავლენის პროგნოზირებადობის ეკონომიკური კვლევის წყალობით მან სამომხმარებლო აქციების ექსპერტად დაიმკვიდრა ადგილი. ის ამჟამად არის კონსულტანტი სააქციო კაპიტალის კვლევაში.

არბენ მუსტაფა

არბენ მუსტაფამ დოქტორის ხარისხი ეკონომიკაში გაერთიანებული სამეფოს სტაფორდშირის უნივერსიტეტიდან მიიღო. მისი სადოქტორო ნაშრომის კვლევის თემა იყო საბანკო სექტორის კონკურენცია და მისი გავლენა ცენტრალური და აღმოსავლეთ ევროპის ქვეყნების ბანკების რისკის გაწევასა და პროცენტების ზღვარზე. მას არაერთი პუბლიკაცია აქვს გამოქვეყნებული ამ სფეროში. არბენი მუშაობდა სხვადასხვა თანამდებობებზე, ძირითადად კოსოვოს რესპუბლიკის ცენტრალური ბანკის კვლევებსა და ეკონომიკურ ანალიზზე. ის არაერთ ეკონომიკურ და საბანკო საგანს ასწავლის გნილანის უნივერსიტეტში „Kadri Zeka“ (კოსოვო). ის ეკონომიკური კვლევისა და სამაგისტრო განათლების ცენტრი - ეკონომიკის ინსტიტუტის (CERGE-EI) ფონდის მასწავლებელი სტიპენდიანტია.

ირინა საბატი

ირინა საბატი ამჟამად სადოქტორო ნაშრომზე მუშაობს ეკონომიკის დარგში, როგოც მარი სკლოდოვსკა-კიურის მეცნიერ-თანამშრომელი ლისაბონის, პორტუგალიის ბიზნესისა და ეკონომიკის ნოვას სასწავლებელში. მას აქვს ეკონომიკის მაგისტრის ხარისხი ჩეხეთის ეკონომიკური კვლევისა და სამაგისტრო განათლების ცენტრი - ეკონომიკის ინსტიტუტიდან (CERGE-EI) და საერთაშორისო ეკონომიკურ ურთიერთობებისა და ფინანსების მაგისტრის ხარისხი უკრაინის ლვოვის ივან ფრანკოს სახელობის ეროვნული უნივერსიტეტიდან. ირინას, როგორც CERGE-EI ფონდის მასწავლებელი სტიპენდიანტს, ეკონომიკური საგნების სწავლების ხუთ წელზე მეტი ხნის გამოცდილება აქვს ბაკალავრიატისა და მაგისტრატურის სტუდენტებისთვის. ის ეკონომისტი პედაგოგების გუნდის ნაწილია, რომელიც CERGE-EI ფონდის მხარდაჭერით ფინანსდება და პედაგოგიურ სწავლებას უზრუნველყოფს უნივერსიტეტის ეკონომიკის ლექტორებისთვის.

ედვინ ჟლიმა

ედვინ ჟლიმამ დოქტორის ხარისხი აგრო-სურსათის ეკონომიკისა და პოლიტიკის მიმართულებით მიიღო ბოლონიის უნივერსიტეტში. იგი ტირანას სოფლის მეურნეობის უნივერსიტეტის ასოცირებული პროფესორია. მისი კვლევები რამდენიმე დარგს მოიცავს მათ შორის რესურსების ეკონომიკა, ქცევის ეკონომიკა და გენდერული ეკონომიკა, იგი 40-ზე მეტ სამეცნიერო პუბლიკაციის ავტორი და თანაავტორია. იგი მუშაობდა კონსულტანტად საერთაშორისო ორგანიზაციებში, მათ შორის FAO, UNDP, GIZ, USAID და Swiss Cooperation, სადაც მონაწილეობდა სხვადასხვა ტექნიკური ანგარიშების წარმოებაში.

ალბან ზოგაჯი

ალბან ზოგაჯმა დოქტორის ხარისხი ეკონომიკაში, იტალიის Universita Politecnica delle Marche-ში მიიღო. იგი 2005 წლიდან თანამშრომლობს Riinvest Institute-თან და ხელმძღვანელობდა ან მონაწილეობდა მრავალ კვლევით პროექტებში. 2016 წლიდან 2019 წლამდე ალბანი მუშაობდა კოსოვოს მთავრობასთან ზრდის დიაგნოსტიკისა და ეკონომიკური კომპლექსურობის კვლევაზე. ის არის Riinvest College-ის ფაკულტეტის წევრი, სადაც ასწავლის ეკონომიკას.

ზურაბ აბრამიშვილმა

ზურაბ აბრამიშვილმა ფილოსოფიის დოქტორის ხარისხი ჩეხეთის რესპუბლიკის ეკონომიკის ინსტიტუტის ეკონომიკური კვლევისა და სამაგისტრო განათლების ცენტრისგან (CERGE-EI) მიიღო. ის ასევე ფლობს ეკონომიკის მაგისტრის ხარისხს თბილისის სახელმწიფო უნივერსიტეტის ეკონომიკის საერთაშორისო სკოლიდან და მათემატიკაში ბაკალავრისა და მაგისტრის ხარისხებს თბილისის სახელმწიფო უნივერსიტეტიდან. ის ISET-ის ასისტენტ-პროფესორი, მისი საბაკალავრო პროგრამის ხელმძღვანელი და CERGE-EI-ის ფონდის სწავლების სასტიპენდიო პროგრამის რეგიონალური კოორდინატორია.

ბაქარ ბარათაშვილმა

ბაქარ ბარათაშვილმა ეკონომიკის მაგისტრის ხარისხი თბილისის სახელმწიფო უნივერსიტეტის ეკონომიკის საერთაშორისო სკოლაში (ISET) მიიღო, ხოლო ბიზნეს-ადმინისტრირების დოქტორის ხარისხი საქართველოს ტექნიკურმა უნივერსიტეტმა მიანიჭა. ის ISET-ის დირექტორის მოადგილე იყო. მანამდე ბაქარი ლექციებს კითხულობდა (ასისტენტ-პროფესორი) ქუვეითის ახლო აღმოსავლეთის ამერიკულ უნივერსიტეტში. მას უნივერსიტეტის დონეზე ეკონომიკის, სტატისტიკისა და ფინანსების სწავლების 15-წლიანი გამოცდილება აქვს. ბაქარი მუშაობდა საჯარო ფინანსურ სექტორშიც, მათ შორის ისეთ საერთაშორისო ორგანიზაციებში, როგორიც არის საერთაშორისო მონეტარული ფონდი და მსოფლიო ბანკი.

ლევან ფავლენიშვილმა

ლევან ფავლენიშვილმა ეკონომიკის მაგისტრის ხარისხი თბილისის სახელმწიფო უნივერსიტეტის ეკონომიკის საერთაშორისო სკოლაში (ISET) მიიღო. მას თბილისის სახელმწიფო უნივერსიტეტიდან ეკონომიკაში აქვს ბაკალავრის ხარისხი. ლევანი იყო ISET-ის პოლიტოლოგიის ინსტიტუტის ხელმძღვანელის მოადგილე და აქვს ეკონომიკური დისციპლინების, მათ შორის საერთაშორისო ვაჭრობისა და ფინანსების, ეკონომეტრიისა და ბუნებრივი რესურსების ეკონომიკის სწავლების ხუთ წელზე მეტი გამოცდილება. ლევანს მიღებული აქვს ედინბურგის უნივერსიტეტში საოპერაციო კვლევების მეცნიერებათა მაგისტრის ხარისხი.

აკადემიურ მრჩეველთა კომიტეტი

ბორის კოტა

ბორის კოტა არის ზაგრების უნივერსიტეტის ეკონომიკის ფაკულტეტის პროფესორი და ეკონომიკისა და ფინანსების საერთაშორისო დიპლომისშემდგომი სასწავლო პროგრამის ხელმძღვანელი. ის ზაგრების ეკონომიკის ინსტიტუტის დირექტორთა საბჭოს წევრი იყო 1997-2000 წლებში და ხორვატიის რესპუბლიკის მეცნიერებისა და უმაღლესი განათლების კავშირის სამეთვალყურეო საბჭოს თავმჯდომარე 2003-2006 წლებში. ის იყო ხორვატიის ეროვნული ბანკის საბჭოს წევრი (2006-2013 წწ), ხორვატიის პრეზიდენტის სპეციალური მრჩეველი ეკონომიკურ საკითხებში (2010-2012 წწ) და ხორვატიის რესპუბლიკის პრეზიდენტის ეკონომიკური საბჭოს პრეზიდენტი (2010-2015 წწ).

ოლეჰ ჰავრილიშინი (ეძღვნება მის ხსოვნას)

ოლეჰი იყო მასაჩუსეტსის ტექნოლოგიური ინსტიტუტის (M.I.T.) ეკონომიკურ მეცნიერებათა დოქტორი, ვარშავის კვლევითი ინსტიტუტის სოციალური და ეკონომიკური კვლევის ცენტრის (CASE) არარეზიდენტი უფროსი მეცნიერ-თანამშრომელი, კარლტონის უნივერსიტეტის ევროპული, რუსული და ევრაზიული კვლევების ინსტიტუტის დამხმარე კვლევითი პროფესორი. ის მუშაობდა უკრაინის მთავრობის მრჩევლის თანამდებობაზე, რა დროსაც მოამზადა „რეფორმების ფონური მიმოხილვა დამოუკიდებლობის მოპოვების შემდეგ“ (2014-2016 წლის ოქტომბერი). მისი ბოლო წიგნი „გარდამავალ ეტაპზე: ხედი შიგნიდან ისტორიაზე, პოლიტიკასა და პიროვნებებზე პოსტ-კომუნისტურ ქვეყნებში“ „Cambridge University Press“-მა გამოსცა 2020 წელს. 1991-დან 2007 წლამდე პერიოდში ოლეჰი იყო საერთაშორისო მონეტარული ფონდის ევროპის დეპარტამენტის დირექტორის მოადგილე, ყოფილი საბჭოთა კავშირის ქვეყნების საკითხებში. ის იყო საერთაშორისო მონეტარული ფონდის დირექტორთა საბჭოს ალტერნატიული აღმასრულებელი დირექტორი და ამავდროულად უკრაინის ფინანსთა მინისტრის მოადგილე.

ჯოზეფ პელცმანი

ჯოზეფ პელცმანი არის ბოსტონის კოლეჯის ფილოსოფიის მეცნიერებათა დოქტორი. ჯორჯ ვაშინგტონის უნივერსიტეტში ის ეკონომიკის და საერთაშორისო საქმეთა პროფესორია; არის იურისპრუდენციის პროფესიონალი ლექტორი და ეკონომიკის ფაკულტეტის სადოქტორო პროგრამის დირექტორი. 1980 წელს ფაკულტეტზე მუშაობის დაწყებამდე, ის იყო ბრუკლინის ეკონომიკური პოლიტიკის ინსტიტუტის მეცნიერ-თანამშრომელი და სამხრეთ კაროლინის უნივერსიტეტის ფაკულტეტის წევრი. ის იყო თბილისის სახელმწიფო უნივერსიტეტის ეკონომიკის საერთაშორისო სკოლის საერთაშორისო აკადემიური საბჭოს თავმჯდომარე საქართველოში (2006-2008 წწ) და კიევის ეკონომიკური სკოლის საერთაშორისო მრჩეველთა საბჭოს წევრი უკრაინაში (2002-2017 წწ). დღეს ის ასევე არის ვაჭრობის, დახმარებისა და უსაფრთხოების კოალიციის და გლობალური სამუშაოების ფონდის დირექტორთა საბჭოს წევრი ვაშინგტონში, არის გლობალური ეკონომიკური ჟურნალის მმართველი რედაქტორი და საერთაშორისო ვაჭრობისა და ფინანსების ასოციაციის ყოფილი პრეზიდენტი.

დირექტორთა საბჭო

რენდალ კ. ფილერი
პრეზიდენტი

პრინსტონის ფილოსოფიის დოქტორი, რენდალი არის ეკონომიკის პროფესორი ჰანთერის კოლეჯში და ნიუ-იორკის მუნიციპალური უნივერსიტეტის სამაგისტრო ცენტრში, ეკონომიკის მოწვეული პროფესორი CERGE-EI-ში პრაღაში და CERGE-EI-ის ფონდის საბჭოს დირექტორი. ის არის თბილისის ეკონომიკის საერთაშორისო სკოლის (საქართველო) დირექტორთა და აკადემიური საბჭოების წევრი. ის იყო მოწვეული პროფესორი ზაგრების ეკონომიკის ინსტიტუტში, IZA-ის (ბონი) და CESifo-ის (მიუნჰენი) მეცნიერ-მკვლევარი. რენდალი არის „საღი აზრის ეკონომიკის“ რეგიონალიზებული რედაქციის თანაავტორი.

მაიქლ მარკოვიცი
თავმჯდომარე

ჩიკაგოს უნივერსიტეტის ფსიქოლოგიურ მეცნიერებათა დოქტორი, მაიქლი არის პროფესიონალური ფსიქოლოგიის პირველი დამოუკიდებელი სადოქტორო პროგრამის დამფუძნებელი შეერთებულ შტატებში. ის იყო მენეჯმენტის ლექტორი ჩრდილო-დასავლურ უნივერსიტეტში (ჩიკაგო) და არის სხვადასხვა პროფესიონალური სტატიის, მათ შორის ბიზნეს-პრაქტიკის ოფისის (BBP) ადამიანური რესურსების მართვის სახელმძღვანელოს ავტორი. მან დააფუძნა არგოსის უნივერსიტეტი აშშ-ში და იორკვილის უნივერსიტეტი და ტორონტოს ფილმოგრაფიის სკოლა კანადაში. ბოლო დროს ის არის ამერიკის ადვოკატთა ასოციაციის მიერ აკრედიტირებული ატლანტის ჯონ მარშალის იურიდიული სკოლის თავმჯდომარე, ასევე ქოუჩინგისა და პროფესიონალური ტესტების მომზადების კომპანიის - აკადემიური ლიცენზიებისთვის მომზადებისა და განათლების სამსახურის (ALPESE/PrepJet) დამფუძნებელი და თავმჯდომარე. მაიქლი ჩიკაგოს უნივერსიტეტის სოციალური მეცნიერებების განყოფილების მოწვეული კომიტეტის წევრი და ყოფილი თავმჯდომარეა, ასევე ფლორიდაში ეკერდის კოლეჯის სამეურვეო საბჭოს ყოფილი წევრი.

რენიტა ესაიანი
ფინანსური დირექტორი

სტენფორდის ბიზნეს-ადმინისტრირების მაგისტრი, რენატა არის პენსიაზე გასული ფინანსური დარგის პროფესიონალი. შეერთებულ შტატებსა და ლონდონში კორპორატიული ფინანსებისა და საინვესტიციო ურთიერთობის მიმართულებით რამდენიმე თანამდებობაზე ყოფნის შემდეგ, ის გახდა ჰასბროს ინვესტორებთან ურთიერთობის განყოფილების ვიცე პრეზიდენტი. პენსიაზე გასვლამდე ის იყო ფინანსური მიმართულების უფროსი მწერალი საინვესტიციო კომპანიაში „The Vanguard Group“.

ქეითლინ მონი

კოლუმბიიდან საზოგადოებრივ საქმეთა მაგისტრის ხარისხით, ქეითლინი არის ფინანსური დარგის პროფესიონალი 40 წელზე მეტი გამოცდილებით საზოგადოებრივი განათლების სფეროში. ის მსახურობდა განყოფილების საბიუჯეტო დირექტორის პოზიციაზე ნიუ-იორკის განათლების დეპარტამენტის მანჰეტენისა და ბრონქსის ადმინისტრაციებში; იყო ბიზნეს ადმინისტრატორი რამდენიმე სერტიფიცირებულ სკოლაში და აკადემიურ საქმეთა ფინანსური მენეჯერი ნიუ-იორკის მუნიციპალურ უნივერსიტეტში.

ელეონორ ჰამონდი
საბჭოს და პროგრამის დირექტორის მრჩეველი

ელეონორი ფლობს ჰუმანიტარულ მეცნიერებათა მაგისტრის ხარისხს სენტ ჰიუს კოლეჯიდან (ოქსფორდი). ის ახორციელებს „საღი აზრის ეკონომიკის“ პროგრამის ყოველდღიურ მიმოხილვას. „EFI“-სთან თანამშრომლობის პარალელურად, ის არის აღმოსავლეთ ევროპასა და დსთ-ის ქვეყნებში ეკონომიკური განათლების ერთ-ერთი უმსხვილესი მხარდამჭერი ფონდის CERGE-EI გრანტების მწერალი და შემოწირულობების ორგანიზატორი. ადრე ის იყო სტრატეგიული კომუნიკაციების კონსულტანტი გაერთიანებულ სამეფოში საჯარო სექტორში მოღვაწე ორგანიზაციებისთვის.