კონტენტზე გადასვლა
მთავარი
მთავარიჩვენ შესახებმიიღეთ წიგნიბიბლიოთეკაქსელი

„EFI“-ის შესახებ

სხვადასხვა ქვეყნებში ადამიანების უნარების, ნიჭის და კრეატიულობის განვითარების უნიკალური პროექტი, ეკონომიკის მიმართულებით შთაგონების და ინტერესის გასაღვივებლად.

ორგანიზაციაში „Economic Fundamentals Initiative“ ჩართული ყველა პირი შესაბამის რეგიონში ცხოვრობს და მოღვაწეობს. ჩვენ ვართ ეკონომისტები, პედაგოგები, აკადემიური ადმინისტრატორები, მარკეტოლოგები, რედაქტორები და თარჯიმნები. ყველა ჩვენგანი კარგად იცნობს იმ გამოწვევებს, რომლებიც კონკრეტული რეგიონების წინაშე დგას. მთელი გულით გვჯერა, რომ ეკონომიკის ცოდნის გაღრმავება მხოლოდ საუკეთესოს მოიტანს ადამიანებისთვის, მათი საზოგადოებებისა თუ ეროვნული და რეგიონალური სტაბილურობისთვის.

უნივერსიტეტის და უმაღლესი სკოლების პედაგოგებთან, სტუდენტებთან და საგანმანათლებლო სფეროს წარმომადგენლებთან ერთად, „EFI“-ის და ჩვენს რეგიონალურ პარტნიორებს სურვილი აქვთ ეკონომიკური წიგნიერება ყველასთვის ხელმისაწვდომი გახადონ. უკვე ხელმისაწვდომია 10 ენაზე. ვგეგმავთ ჩვენი პორტფელის გამდიდრებას აღმოსავლეთ ევროპული და ცენტრალური აზიის ენებით.

„EFI“ მთლიანად შემოწირულობების საფუძველზე შეიქმნა. ხსენებული სახსრები მხოლოდ ამ რეგიონებში ეკონომიკური ლიტერატურის ადაპტირების, თარგმნისა და გავრცელებისთვის იხარჯება. „EFI“ არის აშშ-ის ნიუ-ჯერსის შტატში რეგისტრირებული არაკომერციული ორგანიზაცია (501(с)(3)).

1
„საღი აზრის ეკონომიკის“ ენის რედაქტორი
100
უფასო ჩამოწერა და ეს რიცხვი კიდევ იზრდება!
1
ადგილობრივი პარტნიორი ეკონომიკის მითებს გააქარწყლებენ!

წიგნი

საღი აზრის ეკონომიკა

პუბლიკაცია „საღი აზრის ეკონომიკა: რა უნდა იცოდეს ყველამ პირადი და ნაციონალური კეთილდღეობისთვის“ პირველად 2005 წელს გამოიცა და დღეს ეს უკვე მისი მესამე რედაქციაა. აკადემიური სფეროდან ეკონომისტების ჯეიმს დ. გვართნის, რიჩარდ ლ. სტროუპის, დვაიტ რ. ლის, ტაუნი ჰ. ფერარინის და ჯოსეფ პ. კალჰოუნის მიერ შექმნილი „საღი აზრის ეკონომიკა“ დღეს საბაზრო ეკონომიკის საფუძვლების კლასიკურ შესავალს წარმოადგენს. მისი მიზანია მკითხველებს დაეხმაროს კეთილგონიერი პირადი და პოლიტიკური გადაწყვეტილებების მიღებაში, ეკონომიკური პრინციპების საფუძვლიანად გააზრების გზით.

„EFI“-ის აკადემიური საკონსულტაციო კომიტეტის მხარდაჭერით, წიგნი ადაპტირებულია ჩვენს რეგიონში მკითხველების საჭიროებებზე მოსარგებად. წიგნის „საღი აზრის ეკონომიკა: რა უნდა იცოდეს ყველამ პირადი და საზოგადოებრივი კეთილდღეობისთვის“ განახლებული ვერსია ხელმისაწვდომია აზერბაიჯანულ, ალბანურ, ინგლისურ, რუსულ, სომხურ, უზბეკურ, უკრაინულ, ქართულ, ყაზახურ და ყირგიზულ ენებზე. ყაზახურ ენაზე თარგმნილი ვერსიაც მალე გახდება ხელმისაწვდომი.

ელექტრონული ფორმით ხელმისაწვდომი წიგნი მოიცავს დამატებით საკითხავ მასალას და ერთობლიობაში 9 საათზე მეტი ხანგრძლივობის სუბტიტრებიან ვიდეო კლიპებს, რომლებიც წარმოაჩენენ და განმარტავენ ეკონომიკის ფუნდამენტურ კონცეფციებს რეალური ცხოვრების კონტექსტში. ადგილობრივ პარტნიორებთან ასევე ხელმისაწვდომია წიგნის დაბეჭდილი ვერსიაც.

საღი აზრის თაობა

მომავლის მოქალაქეები ეკონომიკას დღეს იკვლევენ.

რეგიონში სტუდენტებს, პედაგოგებს და ფართო საზოგადოებას შესაძლებლობას ვთავაზობთ. ეს არის ეკონომიკის იმ პრინციპების შესწავლის შესაძლებლობა, რომლებიც მათ ყოველდღიურ ცხოვრებაზე ზემოქმედებენ. ამას მათ საკუთარ ენაზე და რაიმე სახის ფინანსური ხარჯის გარეშე ვთავაზობთ. ეკონომიკა ბევრისთვის შიშის მომგვრელი დისციპლინაა, თუმცა ყველა მოქალაქეს უნდა ესმოდეს ეკონომიკის საფუძვლები. „EFI“ გთავაზობთ კონტენტს, რომელიც ინგლისურ ენაზე მოლაპარაკე ადამიანებმა უპრობლემოდ მიიღეს. დღემდე ის ხელმისაწვდომი არ იყო აღმოსავლეთ ევროპულ, სამხრეთ კავკასიურ და ცენტრალური აზიის ენებზე.

ჩვენი რეგიონალური პარტნიორები შეიმუშავებენ აქტივობების საინტერესო პროგრამებს სტუდენტების, ახალგაზრდა პროფესიონალებისა და უბრალოდ ყველასათვის, ვისაც აინტერესებს, როგორ მოქმედებს ეკონომიკა მათ ყოველდღიურ ცხოვრებაზე. ისინი ატარებენ ესეების კონკურსებს, ვიდეო კონკურსებს, მართავენ შეხვედრებს და აწყობენ საკლასო ვიზიტებს. ყველას აქვს შანსი შეიცნოს „საღი აზრის ეკონომიკის“ სამყარო, როგორც ონლაინ, ისე - ოფლაინ!

სასწავლო ინსტრუმენტების ნაკრები

ყველაფერი, რაც პედაგოგებს სჭირდებათ საღი აზრის ეკონომიკის საკლასო ოთახში შესატანად!

ჩვენი ეკონომისტების მიერ შემუშავებული და თითოეულ ქვეყანაზე მორგებული და თარგმნილი „სასწავლო ინსტრუმენტების ნაკრები“ ეკონომიკის პედაგოგებს შესთავაზებს ყველაფერს, რაც დასჭირდებათ ეკონომიკის შესავლის სწავლებისთვის. კურსის შინაარსი „საღი აზრის ეკონომიკის“ ჩვენეულ რედაქციას ეფუძნება. სლაიდ-პლატფორმები, ინსტრუქტორის სახელმძღვანელოები და პრაქტიკული ამოცანები ხელმისაწვდომი იქნება ჩვენს მიერ შემოთავაზებულ ყველა ენაზე.

სასწავლო ინსტრუმენტების ნაკრები პირველად 2022-2023 სასწავლო წლის განმავლობაში დაინერგა საქართველოს ერთერთ საჯარო სკოლაში.

ორენოვანი ვერსია

ჩვენი რედაქციით გამოცემული „საღი აზრის ეკონომიკის“ ხელმისაწვდომია ორენოვანი ელექტრონული წიგნის ფორმატში!

წაიკითხეთ ახლა ინგლისურ/რუსულ ენებზე

ჩვენი მიზანია შემოგთავაზოთ ეს ფუნქცია ყველა ენაზე. იმის გამო, რომ რუსული ენა ყველაზე ფართოდ მოიხმარება ან ოფიციალური ენაა რამდენიმე ქვეყანაში, სადაც ჩვენი წიგნია ხელმისაწვდომი, ვიწყებთ ინგლისურ-რუსული რედაქციით.

გვინდა მადლობა გადავუხადოთ ჩვენს პარტნიორს „Doppeltext“ მისი ენთუზიაზმისა და მხარდაჭერისთვის.

ორენოვანი კითხვის პროცესი მკითხველებს ეკონომიკის სწავლასთან ერთად ინგლისურის ცოდნის გაღრმავებაშიც დაეხმარება. რატომაც არა?!