Անցնել բովանդակությանը
Գլխավոր
ԳլխավորԲլոգԳործընկերներՄեր մասին
Սկսել կարդալ
կամ անվճար ներբեռնել

Մեր թիմը

Մեր աջակիցներն այս եզակի նախագիծ են բերում իրենց երկար տարիների տնտեսագիտական և կրթական փորձագիտությունը: Մենք բոլորս էլ ուրախ ենք միավորել մեր մասնագիտական ուսումնառությունն ու ստեղծագործական ունակությունները, որպեսզի տնտեսագիտական ըմբռնումը մատչելի դարձնենք յուրաքանչյուրին:

Մեր փորձագետները

Զոհիդ Ասկարով

Զոհիդ Ասկարովը ստացել է փիլիսոփայության դոկտորի աստիճան տնտեսագիտության բնագավառում Մելբուրն քաղաքի Դիկինի համալսարանում (Ավստրալիա), իսկ ներկայումս Տաշկենտի Վեսթմինսթերի միջազգային համալսարանի դասախոս է: Նա հոդվածներ է հրապարակել այնպիսի ամսագրերում, ինչպիսիք են World Development, European Journal of Political Economy, Public Choice և Journal of Housing Economics: Նրա հոդվածների հիմնական թեման անցումային երկրների տնտեսական և ինստիտուցիոնալ զարգացումն է և դրա կողմնակի ազդեցությունները: Նա մասնակցել է ՅՈՒՆԵՍԿՕ-ի, ՄԱԶԾ-ի, Ճապոնիայի միջազգային համագործակցության գործակալության (ՃՄՀԳ), Սասակավայի խաղաղության հիմնադրամի, Դիկինի համալսարանի, Անտվերպենի համալսարանի, Մաաստրիխտի կառավարման դպրոցի, Ստորին Սաքսոնիայի Գերմանական կառավարման ակադեմիայի և Ինդոնեզիայի Պետական կառավարման ազգային ինստիտուտի հետ համատեղ իրականացվող մի շարք կրթական և հետազոտական ծրագրերի: Զոհիդը նաև CERGE-EI հիմնադրամի ասպիրանտ-դասախոս է:

Գուրգեն Ասլանյան

Գուրգեն Ասլանյանը ստացել է փիլիսոփայության դոկտորի աստիճան տնտեսագիտության բնագավառում CERGE-EI-ի կողմից՝ Չեխիայի Հանրապետությունում: Նա դասախոսում է Հայաստանի ամերիկյան համալսարանում, հանդիսանում է CERGE-EI հիմնադրամի դասավանդող և Ուրալի դաշնային համալսարանի տնտեսագիտության լաբորատորիայի ավագ գիտաշխատող: Որպես խորհրդատու նա աշխատել է պետական և մասնավոր հատվածի կազմակերպություններում, այդ թվում՝ Հայաստանի Հանրապետության Կենտրոնական բանկում և որպես գիտաշխատող համագործակցել է Փենսիլվանիայի համալսարանի և Չեխիայի Հանրապետության Գիտությունների ակադեմիայի հետ: Նա իր հետազոտությունը ներկայացրել և հրապարակել է միջազգային պարբերականներում, ստացել է տարբեր պարգևներ և ներկայումս հանդիսանում է Հայկական տնտեսագիտական միության նախագահը:

Օլգա Ֆլիս

Օլգա Ֆլիսը տնտեսագիտության մագիստրոսի աստիճան է ստացել CERGE-EI հիմնադրամից (Չեխիայի Հանրապետություն) և տեսական և կիրառական վիճակագրության մագիստրոսի աստիճան՝ Իվան Ֆրանկոյի անվան Լվովի ազգային համալսարանից: Ներկայումս նա աշխատում է Չեխիայի Հանրապետությունում՝ «Քեյ-Փի-Էմ-Ջի» ընկերության կառավարման խորհրդատվության խմբում և ներգրավված է մի ստարտափ ընկերության ստեղծման գործընթացում, որի նպատակն է կիրառական հաշվողական հետազոտությունների համար առցանց ուսուցման հարթակ ստեղծելը:

Արամ Ղազարյան

Արամ Ղազարյանը ստացել է փիլիսոփայության դոկտորի աստիճան տնտեսագիտության բնագավառում Թուրինի համալսարանում: Նա դասավանդում է տնտեսագիտություն Երևանի պետական համալսարանում և Հայաստանի ամերիկյան համալսարանում: Նա հիմնադրել է Վարքագծային որոշումների հետազոտական և խորհրդատվական կենտրոնը:

Աիդա Գջիկա

Աիդա Գջիկան ստացել է փիլիսոփայության դոկտորի աստիճան տնտեսագիտության բնագավառում Միացյալ Թագավորության Սթեֆորդշիր համալսարանում և դասախոսում է Տիրանայի համալսարանի տնտեսագիտության ֆակուլտետում: Նա բուհական և ասպիրանտական ծրագրերի (միկրոտնտեսագիտություն և գիտական գրագրություն) դասավանդման ավելի քան տասը տարվա փորձ ունի, ինչպես նաև տարբեր միջազգային ծրագրերում որպես խորհրդատու աշխատելու փորձ, որտեղ հիմնականում ներգրավված է եղել որպես կիրառական տնտեսագիտության մասնագետ՝ տվյալների վերլուծության մասով: Իր հետազոտությունների թեման հիմնականում ֆիսկալ ապակենտրոնացման և տնտեսական աճի հարցերն են, սակայն նա նաև ուսումնասիրում է հարկաբյուջետային քաղաքականության, ծխախոտային ապրանքների հարկման և տարածաշրջանային աճի հարցերը: Աիդան CERGE-EI հիմնադրամի ասպիրանտ-դասախոս է:

Մայա Գրիգոլիա

Մայա Գրիգոլիան տնտեսագիտության մագիստրոսի աստիճան է ստացել Թբիլիսիի պետական համալսարանի Տնտեսագիտության միջազգային դպրոցում (ISET) (Վրաստան): Նա սովորում է Թբիլիսիի պետական համալսարանի ասպիրանտուրայում: Ներկայումս նա դասավանդում է Քուվեյթի Միջին Արևելքի ամերիկյան համալսարանում: Նա դասավանդման, հետազոտական աշխատանքների, ծրագրեր կազմելու և խորհրդատվության ավելի քան 10 տարվա փորձ ունի: Որպես գիտահետազոտական թեմա՝ նրա համար հետաքրքրություն են ներկայացնում հարկաբյուջետային քաղաքականությունը, ֆինանսական կրթությունը և մասնավոր հատվածի զարգացումը: Նա դասավանդում է մակրոտնտեսագիտություն, տնտեսական քաղաքականություն, տնտեսագիտության սկզբունքներ, վիճակագրություն և տվյալների վերլուծություն առարկաները: Նախկինում նա ծրագրերի կազմման և խորհրդատվական աշխատանք է կատարել տարբեր միջազգային կազմակերպությունների համար, որոնց թվում են Համաշխարհային Բանկը (ՀԲ), Ասիական զարգացման բանկը (ԱԶԲ), Եվրահանձնաժողովը և ԱՄՆ Միջազգային զարգացման գործակալությունը:

Անահիտ Հովհաննիսյան

Անահիտ Հովհաննիսյանը տնտեսագիտության մագիստրոսի աստիճան է ստացել Թբիլիսիի պետական համալսարանի Տնտեսագիտության միջազգային դպրոցում (ISET) (Վրաստան): Նա աշխատում է Հայաստանի Հանրապետության Կենտրոնական բանկի դրամավարկային քաղաքականության վարչությունում՝ որպես տնտեսագետ:

Դրինի Իմամի

Դրինի Իմամին ստացել է փիլիսոփայության դոկտորի աստիճան ագրարային տնտեսագիտության և քաղաքականության բնագավառում Բոլոնիայի Համալսարանում: Նա հետազոտություններ է կատարել եվրոպական տարբեր առաջատար գիտահետազոտական ինստիտուտների համար և հիսունից ավել հոդվածներ է տպագրել գիտական ամսագրերում: Որպես գիտահետազոտական թեմա՝ նրա համար հետաքրքրություն է ներկայացնում վարքագծային, քաղաքական և ինստիտուցիոնալ տնտեսագիտությունը: Դրինին որպես խորհրդատու է աշխատել ՄԱԿ-ի Պարենի և գյուղատնտեսության կազմակերպությունում, Համաշխարհային Բանկում, ՎԶԵԲ-ում, Գերմանիայի միջազգային համագործակցության ընկերությունում և Ճապոնիայի միջազգային համագործակցության գործակալությունում: Նա դասախոսում է Տիրանայի գյուղատնտեսական համալսարանի տնտեսագիտության և ագրոբիզնեսի ֆակուլտետում:

Լեսլի ՄաքՔոլ

Լեսլի ՄաքՔոլը դիպլոմավորված ֆինանսական վերլուծաբան է, Վիրջինիայի Դարդենի գործարար վարչարարության դպրոցում ստացել է գործարար վարչարարության մագիստրոսի աստիճան, իսկ Ուելսլիի քոլեջում՝ բակալավրի աստիճան: Նա ունի Ուոլ Սթրիթում աշխատելու ավելի քան 25 տարվա փորձ, այնտեղ զբաղեցրել է ղեկավար պաշտոններ ֆոնդային շուկայի վերլուծության, ներդրումային պորտֆելի կառավարման և ներդրումային բանկային ծառայությունների ոլորտներում: Սպառողների եկամտի և վարքագծի, ինչպես նաև բաժնետմոսերի առևտրի վրա դրանց ունեցած ազդեցությունների կանխատեսման թեմայով նրա տնտեսագիտական հետազոտությունն օգնեց նրան կայանալ որպես փորձագետ սպառողական ապրանքների պաշարների ոլորտում:

Արբեն Մուստաֆա

Արբեն Մուստաֆան ստացել է փիլիսոփայության դոկտորի աստիճան տնտեսագիտության բնագավառում Միացյալ Թագավորության Սթեֆորդշիր համալսարանում: Նրա դոկտորական հետազոտության թեման էր «Մրցակցությունը բանկային ոլորտում և դրա ազդեցությունը բանկերի՝ ռիսկեր ստանձնելու վարքագծի և տոկոսադրույքների վրա Կենտրոնական և Արևելյան Եվրոպայի երկրներում»: Նա բազմաթիվ հոդվածներ է հրապարակել այս թեմայով: Արբենը կատարել է տարբեր աշխատանքներ, որոնք հիմնականում առնչվել են Կոսովոյի Հանրապետության Կենտրոնական բանկում իրականացվող հետազոտություններին և տնտեսական վերլուծությանը: Կոսովոյի Գնիլան քաղաքի «Kadri Zeka» համալսարանում նա դասավանդում է տնտեսագիտությանն ու բանկային գործին առնչվող մի շարք առարկաներ: Նա CERGE-EI հիմնադրամի դասավանդող է:

Իրինա Սաբատ

Իրինա Սաբատը ներկայումս հանդիսանում է դոկտորանտուրայի ուսանող, Մարիա Սկլադովսկա-Կյուրիի անվան կրթաթոշակային ծրագրով, Լիսաբոնի Բիզնեսի և տնտեսագիտության նոր դպրոցում (Պորտուգալիա): Նա տնտեսագիտության մագիստրոսի աստիճան է ստացել Չեխիայի Հանրապետության CERGE-EI հիմնադրամում, ինչպես նաև միջազգային տնտեսական հարաբերությունների և ֆինանսների մագիստրոսի աստիճան՝ Ուկրաինայի Իվան Ֆրանկոյի անվան Լվովի ազգային համալսարանում: Իրինան արդեն հինգ տարի է որպես CERGE-EI հիմնադրամի դասավանդող տնտեսագիտական առարկաներ է դասավանդում բուհերի ուսանողներին: Նա CERGE-EI հիմնադրամի կողմից ֆինանսավորվող տնտեսագիտության դասավանդողների թիմի անդամ է, որն անցկացնում է բուհերում տնտեսագիտություն դասավանդողների մանկավարժական վերապատրաստման դասընթացներ:

Էդվին Ժլլիմա

Էդվին Ժլլիման ստացել է փիլիսոփայության դոկտորի աստիճան ագրարային տնտեսագիտության և քաղաքականության բնագավառում Բոլոնիայի համալսարանում և հանդիսանում է Տիրանայի գյուղատնտեսական համալսարանի դոցենտ: Նա հետազոտություններ է կատարել մի քանի ոլորտներում՝ ներառյալ բնական ռեսուրսների տնտեսագիտությունը, վարքագծային տնտեսագիտությունը և գենդերային տնտեսագիտությունը և հրապարակել է քառասունից ավելի գիտական հոդվածներ: Նա որպես խորհրդատու աշխատել է տարբեր միջազգային կազմակերպություններում, այդ թվում՝ ՄԱԿ-ի Պարենի և գյուղատնտեսության կազմակերպությունում, ՄԱԶԾ-ում, Գերմանիայի միջազգային համագործակցության ընկերությունում, ԱՄՆ Միջազգային զարգացման գործակալությունում և Զարգացման և համագործակցության շվեյցարական գործակալությունում, որոնց համար նա տարբեր տեխնիկական զեկույցներ է պատրաստել:

Ալբան Զոգայ

Ալբան Զոգայը ստացել է փիլիսոփայության դոկտորի աստիճան տնտեսագիտության բնագավառում Իտալիայի Մարկեի պոլիտեխնիկական համալսարանում: Նա 2005 թվականից աշխատում է Riinvest Institute-ում և բազմաթիվ գիտական հետազոտությունների ղեկավար կամ մասնակից է հանդիսացել: 2016-2019թթ. աճի դիագնոստիկայի և տնտեսության բարդության թեմայով իրականացվող հետազոտության շրջանակում Ալբանն աշխատել է Կոսովոյի կառավարության հետ: Նա Riinvest քոլեջում տնտեսագիտություն է դասավանդում:

Զուրաբ Աբրամիշվիլին

Զուրաբ Աբրամիշվիլին փիլիսոփայության դոկտորի աստիճան է ստացել CERGE-EI-ում (Չեխիայի Հանրապետություն): Նա նաև տնտեսագիտության մագիստրոսի աստիճան է ստացել Թբիլիսիի պետական համալսարանի տնտեսագիտության միջազգային դպրոցում (ISET), իսկ մաթեմատիկայի բակալավրի և մագիստրոսի աստիճաններ է ստացել Թբիլիսիի պետական համալսարանում։ Նա դոցենտ է ISET-ում, որտեղ բակալավրի ծրագրի համատնօրեն է, ինչպես նաև CERGE-EI հիմնադրամի ասպիրանտ դասավանդողների ծրագրի տարածաշրջանային համակարգողը։

Բաքարի Բարատաշվիլին

Բաքարի Բարատաշվիլին տնտեսագիտության մագիստրոսի աստիճան է ստացել Թբիլիսիի պետական համալսարանի տնտեսագիտության միջազգային դպրոցում (ISET), իսկ գործարար կառավարում բնագավառում փիլիսոփայության դոկտորի աստիճան է ստացել Վրաստանի տեխնիկական համալսարանում։ Նա հանդիսացել է ISET-ի փոխտնօրեն, իսկ նախկինում եղել է Քուվեյթում Միջին Արևելքի ամերիկյան համալսարանի դոցենտ։ Բաքարին տնտեսագիտություն, վիճակագրություն և ֆինանսներ թեմաները համալսարանական մակարդակով դասավանդելու 15 տարվա փորձ ունի, ինչպես նաև աշխատել է Վրաստանի պետական ֆինանսների ոլորտում՝ համագործակցելով միջազգային ֆինանսական կազմակերպությունների, այդ թվում՝ Արժույթի միջազգային հիմնադրամի և Համաշխարհային բանկի հետ։

Լեվան Պավլենիշվիլին

Լեվան Պավլենիշվիլին տնտեսագիտության մագիստրոսի աստիճան է ստացել Թբիլիսիի պետական համալսարանի տնտեսագիտության միջազգային դպրոցում (ISET), իսկ տնտեսագիտության բակալավրի աստիճան է ստացել Թբիլիսիի պետական համալսարանում։ Նա ISET-ի Քաղաքականության ինստիտուտի փոխտնօրեն է հանդիսացել և տնտեսագիտական դիսցիպլինների, այդ թվում՝ միջազգային առևտրի և ֆինանսների, էկոնոմետրիայի և բնական ռեսուրսների տնտեսագիտություն թեմաներով դասավանդման 5 տարուց ավել փորձ ունի։ Լեվանը օպերատիվ հետազոտության գիտությունների մագիստրոսի աստիճան է ստացել Էդինբուրգի համալսարանում։

Գիտախորհրդատվական հանձնաժողով

Բորիս Կոտա

Բորիս Կոտան Զագրեբի համալսարանի տնտեսագիտական ֆակուլտետի պրոֆեսոր է և «Միջազգային տնտեսագիտություն և ֆինանսներ» հետդիպլոմային կրթական ծրագրի ղեկավարը: 1997-2000թթ. նա եղել է Զագրեբի տնտեսագիտության ինստիտուտի տնօրենների խորհրդի անդամ, իսկ 2003-2006թթ.՝ Խորվաթիայի Հանրապետության Գիտության և բարձրագույն կրթության միության վերահսկիչ խորհրդի նախագահը: 2006-2013թթ. Բ. Կոտան եղել է Խորվաթիայի Ազգային Բանկի խորհրդի անդամ, 2010-2012թթ.՝ Խորվաթիայի Հանրապետության նախագահի՝ տնտեսական հարցերով հատուկ խորհրդատուն, իսկ 2010-2015թթ. զբաղեցրել է Խորվաթիայի Հանրապետության նախագահին առընթեր տնտեսական հարցերով խորհրդի նախագահի պաշտոնը:

Օլեհ Հավրիլիշին (ի հիշատակ)

Օլեհն ստացել էր փիլիսոփայության դոկտորի աստիճան տնտեսագիտության բնագավառում Մասաչուսեթսի տեխնոլոգիական ինստիտուտում, հանդիսանում էր Վարշավայի «Սոցիալական և տնտեսական հետազոտությունների կենտրոն» հետազոտական ինստիտուտի (CASE) օտարերկրյա ավագ գիտաշխատող, նաև աշխատում էր Կարլտոնի համալսարանի եվրոպական, ռուսական և եվրասիական ուսումնասիրությունների ինստիտուտում՝ որպես այցելող պրոֆեսոր: Օլեհն Ուկրաինայի կառավարությունում որպես խորհրդատու էր աշխատել և պատրաստել «Անկախություն ձեռք բերելուց ի վեր իրականացված բարեփոխումների պատմական ակնարկ» զեկույցը (2014-2016): 2020-ին գիրքը հրատարակվել է Քեմբրիջի համալսարանի հրատարակչության կողմից: 1991-2007 թվականներին Օլեհն եղել էր Արժույթի միջազգային հիմնադրամի (ԱՄՀ) Եվրոպայի դեպարտամենտի բաժնի վարիչի տեղակալ, ՖՍՀ երկրների գծով պատասխանատու, ինչպես նաև՝ ԱՄՀ-ի տնօրենների խորհրդի գործադիր տնօրենի տեղակալ և որոշ ժամանակ զբաղեցրել էր Ուկրաինայի Ֆինանսների փոխնախարարի պաշտոնը:

Ջոզեֆ Փելցման

Ջոզեֆ Փելցմանը ստացել է փիլիսոփայության դոկտորի աստիճան տնտեսագիտության բնագավառում Բոստոն քոլեջում, իսկ Ջորջ Վաշինգտոն համալսարանում տնտեսագիտության և միջազգային հարաբերությունների ամբիոնի պրոֆեսոր է, իրավաբանության դասախոս և տնտեսագիտության դոկտորանտուրայի ծրագրի ղեկավարը: Նախքան 1980թ. ֆակուլտետում աշխատանքի անցնելը նա եղել է Բրուկինգսի ինստիտուտի գիտաշխատող` տնտեսական քաղաքականության հարցերով և դասախոսել է Հարավային Կարոլինայի համալսարանում: 2006-2008թթ. նա հիմնադրել և ղեկավարել է Թբիլիսիի պետական համալսարանին կից Տնտեսագիտության միջազգային դպրոցի (ISET) միջազգային գիտական խորհուրդը (Վրաստան), իսկ 2002-2017թթ. եղել է Կիևի տնտեսագիտության դպրոցի (Ուկրաինա) միջազգային խորհրդատվական խորհրդի անդամ: Նա նաև Առևտրի, օգնության և անվտանգության հարցերով կոալիցիայի (TASC) և Վաշինգտոնի (Կոլումբիայի շրջան) Global Works հիմնադրամի տնօրենների խորհրդի անդամ է հանդիսանում: Ներկայումս նա Global Economy Journal ամսագրի գլխավոր խմբագիրն է, իսկ նախկինում զբաղեցրել է Միջազգային առևտրի և ֆինանսական ասոցիացիայի նախագահի պաշտոնը:

Տնօրենների խորհուրդ

Ռենդալ Կ. Ֆայլեր
Նախագահ

Ռենդալ Ֆայլերը, որը փիլիսոփայության դոկտորի աստիճան է ստացել Փրինսթոնի համալսարանում, Հանթեր քոլեջի և Նյու Յորքի քաղաքային համալսարանի հետդիպլոմային կենտրոնի տնտեսագիտության պրոֆեսոր է, տնտեսագիտության հրավիրված պրոֆեսոր Պրահայի CERGE-EI ծրագրում և CERGE-EI հիմնադրամի խորհրդի տնօրեն: Նա Թբիլիսիի (Վրաստան) Տնտեսագիտության միջազգային դպրոցի ղեկավար մարմնի և կրթական խորհրդի անդամ է: Պրոֆեսոր Ֆայլերը որպես հրավիրված գիտաշխատող աշխատել է Զագրեբի տնտեսագիտության ինստիտուտում, ինչպես նաև եղել է IZA ինստիտուտի (Բոնն) և CESifo կենտրոնի (Մյունխեն) գիտաշխատող: Ռենդալ Ֆայլերը «Տնտեսակետ» գրքի հարմարեցված տարբերակի համահեղինակն է:

Մայքլ Մարկովից
Նախագահող

Մայքլ Մարկովիցը փիլիսոփայության դոկտորի աստիճան է ստացել Չիկագոյի համալսարանում: Նա հիմնադրել է Միացյալ Նահանգներում պրոֆեսիոնալ հոգեբանության առաջին առանձին դոկտորանտուրան, ինչպես նաև Արգոսի համալսարանը, որը Հոգեբանության ամերիկյան ասոցիացիայի և ի թիվս այլոց՝ Փաստաբանների ամերիկյան ասոցիացիայի և բարձրագույն կրթության կոմիտեի կողմից հավատարմագրված՝ ներդրողներին պատկանող հաստատություն է:

Ռենիտա Եսայան
Ֆինանսական պատասխանատու

Ռենիտան գործարար վարչարարության իր մագիստրոսի աստիճանը ստացել է Սթենֆորդում և նախքան թոշակի անցնելն աշխատել է որպես ֆինանսական ոլորտի մասնագետ: Միացյալ Նահանգներում և Լոնդոնում կորպորատիվ ֆինանսներին և ներդրողների հետ հարաբերություններին առնչվող մի քանի պաշտոն զբաղեցնելուց հետո նա դարձել է Hasbro ընկերության ներդրողների հետ հարաբերությունների գծով փոխնախագահ: Մինչև թոշակի անցնելը նա The Vanguard Group-ում ֆինանսական կոնտենտի ավագ գրող էր։

Քեթլին Մոուն

Քեթլինը հանրային կապերի մագիստրոսի իր աստիճանը ստացել է Կոլումբիայում և հանրային կրթության բնագավառում ֆինանսական ոլորտի մասնագետ է՝ ավելի քան 40 տարվա աշխատանքային փորձով: Նա Նյու Յորք քաղաքի կրթության վարչության վարչաբյուջետային բաժնի ղեկավար է եղել Մանհեթենում և Բրոնքսում, գործարար ադմինիստրատոր՝ մի շարք անկախ դպրոցներում և ֆինանսների կառավարիչ՝ Նյու Յորքի քաղաքային համալսարանի կրթական հարցերի կազմակերպման բաժնում:

Էլեանոր Հեմոնդ
Տնօրենների խորհրդի խորհրդատու, ծրագրի տնօրեն

Էլեանոր Հեմոնդը մագիստրոսի աստիճան է ստացել Օքսֆորդի Սբ. Հյուի քոլեջում: Նա զբաղվում է «Տնտեսակետ» ծրագրի ընթացիկ վերահսկողությամբ: Բացի EFI-ում իրականացրած իր աշխատանքից նա նաև դրամաշնորհային ծրագրեր է կազմում և դրամահավաք է կազմակերպում CERGE-EI հիմնադրամի համար, որն Արևելյան Եվրոպայի և ԱՊՀ երկրներում տնտեսագիտական կրթության տարածման ամենամեծ աջակիցներից մեկն է: Էլեանոր Հեմոնդը նախկինում Միացյալ Թագավորության պետական հատվածի կազմակերպություններին ռազմավարական հաղորդակցման բնագավառում խորհրդատվություն է տրամադրել: